چی دەبوو ..خۆدا بم!
تا ڕزگارم دەبوو لە شەری مەرگ و ژیان
ئاسمانم دەکردە نیشتمان و تیشکی هەتاوم دەکردە سنوور
کفر ناکەم خۆت زیز مەکە!
ڕزگارم دەبوو لە چەلێحانەی سیاسەت
هەلواسینی وێنەی شەهیدان
لە خۆ شۆردن و ریش تاشین...
کفر ناکەم خۆت زیز مەکە!
رزگارم دەبوو لە پیاوە سمێل حیزەکانی برایم پاشا
نۆێژی نیشتمان و لە کەچەڵ و ژنە لاق سواوەکان
لە مندالە فرۆشراوەکانی نیشتمان...
کفر ناکەم خۆت زیز مەکە!
خۆم پر دەکرد لە شەهوت...
بە سەر حەساری بێوەژنەکاندا شۆر شۆر دەباریم
رزگارم دەبوو لە چەقۆی پیاوە شەرەنگێزەکان
لە نامووس و شەرف
پیاوەتی و ژنیەتی
تەلاق و مارەیی
ریش و ئیمام و ....
کفر ناکەم خۆت زیز مەکە!
رزگارم دەبوو لە پیاوە خەساوەکانی تەریقەت
لە شەری شەیتان ئاڵۆشی ژنە رووتەکان..!
رزگارم دەبوو لە خەونی رەنگین و ترسی خنکان لە نیو خەیالدا
ڕزگارم دەبوو لە کرینی چەترو و مەگیرانی بە هەناری سەر سینەت...
کفر ناکەم لێم زیز مەبە!
رزگارم دەبوو لە روانینی خەونی شاعێرە دووگیانەکان
سەرۆکە سک پڕەکان..
چی دەبوو خۆدا بم ..
کفر ناکەم چەقۆ تیژ مەکە!
ڕزگارم دەبوو
رزگارم دەبوو لە ئەو گەمژانەی
بێ ناسنامە دەتوانن بژین
بی نیشتمان دەتوانن برۆن...!
بەلام ،بێ خۆدا ناتوانن بژین!!!
کفر ناکەم خۆت زیز مەکە!!
Ingen kommentarer:
Legg inn en kommentar